NEGULAB IDEO 2018

Campuserako matrikula oparitu nahi duzu? Txartela etxera bidaliko dizugu! – Egin eskaera: 658 731 491

NEGULAB.IDEO Campus Teknologikoa

KODE_ESKOLA proiektuaren barneko hirugarren Neguko Campus Teknologikoa egingo da Orona Fundazioaren laguntzarekin, gure haur eta nerabeen artean ezagutza eta ekintzailetza teknologikoa sustatzeko eta gure gizartean duen garrantziari buruz kontzientziatzeko.

NONOrona Ideo
NOIZ: Abenduak 26-28 | Urtarrilak 2-4
ADINA: 5-16 urte
ORDUTEGIA: 09.30-13.30
(Zaintza 08.30-09.30 | Bazkaria 13.30-14.30)

NeguLab Ideo campusaren helburua da ekintzailetza teknologikoaren balioak haur eta gazteengana hurbiltzea, teknologia berrien erabilera sortzailea sustatuz.

Programatzen ikasiko dute, beren sormenari ateak zabaltzeko helburuarekin. Proiektu teknologiko txikiak gauzatuko dituzte, askotariko esparruetakoak (robotika, bideo-jokoak, ikus-entzunezkoak…), euskaraz edo ingelesez, gazte-gaztetatik haien bokazio teknologikoa pitz dadin.

Kode_Eskola metodoak oinarrizko zenbait gaitasun garatzen laguntzen du. Gaitasun horiek beharrezkoak izango dituzte gure ikasleek, bai eskolan bai beren etorkizun profesionalean. Horrez gain, lagungarria da bokazio teknologikoak garatzeko ere, parte-hartzaileen generoa kontuan hartu gabe.

NEGULAB IDEO 2017 irudiakPIN

*GOGORATU ikasle bakoitzak bere esku-ordenadorea eraman behar duela Gabonetako Campusera.

AUKERATU ZURE TAILERRA ETA EMAN IZENA!
PLAZA MUGATUAK

Txikienak programazioaren munduan murgiltzeko tresna ezinhobea da Scratch jr. Sekuentziazioa, lateralitatea eta dimentsio espaziala lantzen dira, guzti hau talde lanean oinarritutako errespetuzko giroan. Ariketa osagarri gisa, Coding Games for Kids eta Kodable ere landuko dira. Etxean Ipad edo Android tableta bat baduzu, aukera bikaina txikienak jolastuz programatzen ikasten hasteko. Irakurtzen ez dakitenentzat edota irakurtzen hasiberriak direnentzat pentsatua eta diseinatua.

Ekarri zeure tableta etxetik: Ipad edo Android.

MITk sortutako programatzen ikasteko lengoaia da scratch. Tailer honetan istorio elkarreragileak, animazioak, bideo-jokoak eta musika sortuko dituzu, pertsonaiak, eskenatokiak, mugimenduak eta soinuak puzzleak egiten diren moduan eginez. Gainera zure lanak lagunekin partekatu ahal izango dituzu web batean. Ariketa osagarri gisa, code.org eta Tynker ere landuko dira. Programatzen hasteko aukera ezin hobea. Zeuk proposatu, zeuk sortu!!

Ekarri zeure esku-ordenagailua etxetik.

Munduko bideo-joko ezagunena, tresna bikaina da programatzen ikasteko! Gabonetako Campusean Minecraft Education Edition bertsioarekin egingo dugu lan. Europako hainbat herrialdeetako ikastetxeetan dagoeneko MineCraften erabilera txertatua dago haien eskola-kurrikulumean hezkuntzako oinarrizko gaitasunak eta edukiak sustatzeko helburuarekin. Gainera, ingelesa ere lantzen da, programatzeko aginduak ingelesez baitaude. Emaitza: dibertituz ikasi!

Ekarri zeure esku-ordenagailua etxetik.

Bideo-jokoak diseinatzeko plataforma digital bat erabiliko da, ROBLOX izenekoa. Horren bidez, erraza da fisikaren eta programazioaren munduan barneratzen hastea.
Hezkuntza-software horren xedea da fisikarekiko eta sormenarekiko interesa piztea, bideo-jokoak sortuz LUA programazio-lengoaiaren bidez.
Plataforma horri esker 3Dko munduak editatu eta sor daitezke. Gainera, jokoa bera garatu ostean, argitaratzeko, partekatzeko eta lagunekin jokatzeko aukera ematen du, edozein plataformatan (kontsolan, mugikorrean…).

Ekarri zeure esku-ordenagailua etxetik.

Tailer honetan robotikaren oinarriak ikasiko dituzu: robotak eraikitzen, martxan jartzen, sentsoreak erabiltzen eta hainbat ariketa egiten. Prozesu honetan hainbat konpetentzia landuko dituzu: imajinazioa, diseinua, pentsamendu logikoa, programazioa, denboraren kudeaketa eta talde lana. Eraikitako robotekin erronka ugari burutu beharko dituzu: marrak jarraitzea, futbolean jolastea, oztopoak ekiditea… Zure aurreneko esperientzia proiektu tekniko batean eta haren programazioan!

Ekarri esku-ordenadorea edo tableta etxetik.

Ikus-entzunezko tailer honetan gaztetxoak Interneterako bideoen munduan murgilduko dira. Kamarak erabiltzen, eszena batetarako argia modu egokian lantzen eta audioak sinkronizatzen ikasiko dute kalitatezko bideoak egiteko. Gainera, lotsa gainditzeko eta kamararen aurrean komunikatzeko truko eta aholku batzuk emango zaizkie, hala, audientzia gehiago izateko.
Lan-plangintza, gidoilaritza eta proiektuen grabaketaren inguruko oinarrizko kontzeptuak ikasi ondoren, edukiei forma emango diete ediziorako eta postprodukziorako programa bat erabiliz. Tailer honetan ikasitakoarekin, gaztetxoak beren kasa ikus-entzunezko eduki bat grabatzen, editatzen eta sarera igotzeko gai izango dira.

Ekarri esku-ordenadorea (Mac bada, hobeto) eta telefono mugikorra etxetik

Nork ez du gaur egun webgunerik erabiltzen? Gorakada handia izaten ari den arlo teknologikoa da, geroz eta ohikoagoa baita erosketak online egitea, egunkaria online irakurtzea edo eta edozein gairi buruzko blog-ak bisitatzea, beste aukera askoren artean. Ikastaro honetan edozein motatako webguneak sortzen ikasiko duzu! Alde batetik, irudimena landuz, eta bestetik, programazioak ematen dizkigun aukera desberdinak baliatuz webgunea nolanahi diseinatu eta, argazkiak zein bideoak txertatuz, web orrialde erabilgarri bat osatzeko.

Ekarri zeure esku-ordenagailua etxetik.

Robotikan adituek Arduino erabiltzen dute! C++ lengoaian oinarritzen den tresna ahaltsu hau estandar bilakatu da jada ingeniarien artean, baina programatzen ikasteko abiapuntu itzela ere izan daiteke. Tailer teknologiko honetan roboten prototipoak egiteko teknikak eta programazioaren oinarriak modu dibertigarrian, erronkaz-erronka, landuko dira.

Plakak, kableak, LCD pantailak eta sentsoreak (argia eta distantzia) konektatu eta programatzeko prest? Zatoz ba! Proiektu desberdin eta dibertigarri asko egingo ditugu, halanola “semaforo” bat, auto telegidatua, edota datuak bidaliko ditugu interneteko edozein web orritara, baita waxapera ere.

Ekarri zeure esku-ordenagailua etxetik.

Agenda

08.30-09.30 ZAINTZA
09.30-13.30 TEKNOLOGIA TAILERRAK, IRAKASLE ESPEZIALIZATUEN GIDARITZAPEAN
13.30-14.30 BAZKARIA: ORONA IDEO MENUA *
14.30 ITZULERAKO AUTOBUSA

* Guregandik gehienez ere 200 km bitarteko lurretan hazi eta ondu diren sasoiko produktuekin prestatua.
* Menu bereziak behar dituzten haurrek 658 731 491 telefonora deitu dezakete (Idoia: 09.30-11.00).

Prezioak

Aste bat Bi aste
A. (Bus joan-etorria) + Tailer teknologikoa + Bazkaria (09.30-14.30) 125€ 225€
B. Zaintza + Tailer teknologikoa + Bazkaria  (08.30-13.30) 125€ 225€
C. Tailer teknologikoa + Bazkaria (09.30-14.30) 115€ 215€
D. Zaintza + Tailer teknologikoa (08.30-13.30) 115€ 215€
E. Tailer teknologikoa  (09.30-13.30) 100€ 190€

Deskontua -%10: familia ugariak eta gurasobakarrak, langabetuak, DBE eta GLL.

Autobusa

BUS 1. Irun – Pasaia – Gros – Zentroa – Amara – Antiguo – Rekalde – Orona Ideo
BUS 2. Tolosa – Zarautz – Lasarte – Orona Ideo

* Informazio gehiago behar dutenek 658 731 491 telefonora deitu dezakete (Idoia: 09.00-11.00).
* Beste herrietatik etortzen direnentzat, aparkalekua dohain.

Bete ondoko galdetegia eta laster batean erantzungo dizugu.

Ikaslearen datuak

Izena eta abizenak

Ikastetxea eta Ikasturtea

Harremanetarako datuak

Izena eta abizenak

Eposta

Telefonoa

GABONETAKO CAMPUSA

Aukeratu txanda:

Aukeratu ordutegia:

Iruzkinak

Aukeratu tailer teknologikoa:

Autobusa:
(bakarrik bazkaltzen geratzen direnentzat)

Zure lehenengo tailer teknologikoa al da?
BaiEz

Esan beste tailerrik egin duzun Kode_Eskolan. Zein?

Familia ugaria edo gurasobakarra, langabetua edo DBE, GLL bazara, erantsi famila ugariaren txartela, famili-liburuaren aurreneko orrialdea (gurasobakarrak) edo beste ziurtagiriren bat (kopia eskaneatua). %10aren deskontua.

BALDINTZA OROKORRAK

Kode_Eskolak baimena izango du adingabea agertzen deneko argazkiak erabiltzeko, baina promozioa eta publizitatea egiteko soilik. Baimenik eman ezean, mesedez, adierazi idatziz “beste iruzkin batzuk” laukian. Era berean, Kode_Eskolak baimena izango du jarduerei buruzko jakinarazpenak bidaltzeko, baldin eta “beste iruzkin batzuk” laukian kontrakorik adierazten ez bada. Bestetik, guraso edo tutoreek hitzematen dute adingabeak bere ordenagailu eramangarria eramango duela campusera.

Bestelako iruzkinak

Irakurri, ulertu eta onartzen ditut NEGULAB IDEO 2018ren Campusaren baldintza orokorrak.

toc dep | giam can nhanh