Oinarrizko programazioa eta zibersegutasuna

Oinarrizko Programazioa eta Zibersegurtasuna izeneko ikastaro honen helburua umeak mundu digitalean trebatzen hastea da, oinarrizko programazioan lehen urratsak emanez, pentsamendu logiko-konputazionala garatuz. Horrekin batera, oso garrantzitsua da gaur egun adin goiztiarretan zibersegurtasunak duen garrrantziaz kontzientzia hartzea..

Ikastaro honen lehen atalean “Scratch” programazio-lengoaia landuko dugu, Amerikako MITk sortutakoa eta mundu zabalean, hezkuntzaren alorrean, umetan programatzen ikasteko gehien erabiltzen den lengoaia hain zuzen. Scratch-i eskainitako atal honetan istorio elkarreragileak, animazioak eta zailtasun maila ezberdinetako bideo-jokoak sortuko ditugu. Horretarako, puzzleak egiten diren moduan konposatuz, pertsonaiei eta eskenatokiei aginduak emango dizkiegu, jolas entretenigarriak sortuz, soinu eta musikaren bidez girotuz

Ikastaro honen bigarren atalean, berriz, “Game Maker” programazio-plataforma digitala erabiliko dugu bideo-jokoak programatzen ikasten hasteko. Modu intuitiboan eta 2D programatuz, logika eta matematika landuko ditugu (entsegu eta errorea, hipotesien baieztapenak, x eta y kartesiar koordenatuak…), betiere modu oso dibertigarrian.

Azken atalean, egun pil-pilean dagoen gaia landuko dugu: “Zibersegurtasuna”. Pribatutasuna, copyright-a, segurtasun neurriak… kontzeptuak sakonduko ditugu modu didaktiko eta erakargarrian.

Animatu zaitez programaketan lehen urratsak ematera eta Internet modu arduratsuan erabiltzen ikastera!

Adina: 8-13 urte
Hizkuntza: euskara
Ordenadorea: Windows *ez Chromebook, ezta Mac ere
Izen-ematea: irekita
Prezioa: 50 euro