ETXETIK PROGRAMATZEN

Kode_Eskolaren Kultura Digitala egitasmoaren barruan ETXETIK PROGRAMATZEN proiektua bultzatu dugu Lehen Hezkuntzako umeen gaitasun digitala garatzeko asmoz, Orona Fundazioaren laguntzarekin.

Izan ere, XXI. mendeko hiritarren Konpetentzia Digitala garatzea ezinbestekoa da haiek burujabetasun digitala izan dezaten, hau da, gure seme-alaben pentsamendu logiko-kritikoa, bokazio teknologikoa, garapen pertsonala eta zibersegurtasuna bermatzeko.

2020ko abendutik aurrera Kode_Eskolaren plataforma digitalean ETXETIK PROGRAMATZEN egitasmoaren hiru lehenengo on line ikastaroak eskainiko dira. Ikastaro hauek norbere etxean, bideo bidez, garatuko dira. Unitate didaktiko bakoitzeko tutorizazio saio bat izango dute umeek irakaslearekin, meet bidez, zalantzak argitzeko.

SCRATCH programatzen

Adina: 8-11 urte
Hizkuntza: euskara
Izen-ematea: abendutik aurrera
Prezioa: 50 euro

MITk sortutako programatzen ikasteko lengoaia da Scratch. Ikastaro honetan istorio elkarreragileak, animazioak eta zailtasun maila ezberdinetako bideo-jokoak sortuko dituzu. Horretarako, puzzleak egiten diren moduan konposatuz, pertsonaiei eta eskenatokiei aginduak emango dizkiezu, jolas entretenigarriak sortuz, soinu eta musikaren bidez girotuz.

Egindako jolas guztiak zure kontuan gordeta geldituko dira eta, gainera, zure lanak lagunekin, senideekin edo ezagunekin partekatu ahal izango dituzu!

Edozein ordenagailu baliagarria izango da Scratch-ekin programatzeko, beraz, Windows, Mac edo Chromebook batekin egin dezakezu on line ikastaroa.

Ikastaro honetan zerotik hasiko gara programatzen, beraz, ez da aurreko ezagutzarik behar.

Animatu zaitez programaketaren munduan murgiltzera!

BIDEO-JOKOAK programatzen

Adina: 10-12 urte
Hizkuntza: euskara
Ordenadorea: Windows *ez Chromebook, ezta Mac ere
Izen-ematea: abendua 30etik aurrera
Prezioa: 50 euro

Online ikastaro honetan bideo-jokoak programatu eta sortzeko GAME MAKER plataforma digitala erabiliko duzu. Modu intuitiboan eta 2D programatuz, logika eta matematika landuko dituzu (entsegu eta errorea, hipotesien baieztapenak, X eta Y koordenadak…) modu oso dibertigarrian.

Zure sormen teknologikoa garatzeko ere baliabide egokiak eskaintzen ditu Game Maker plataformak (pixelekin marraztu, pantailak eta jokoa diseinatu…).

Anima zaitez bideo-jokoen erabiltzaile hutsa izatetik sortzaile izatera!

KONPETENTZIA DIGITALA garatzen

Adina: 8-12 urte
Hizkuntza: euskara
Izen-ematea: martxotik aurrera
Prezioa: 50 euro

Egungo gizarte digitalizatuan, gure gaztetxoen konpetentzia digitala garatzea ezinbestekoa da.

Bizi dugun osasun krisiak gure seme-alaben alfabetizazio digital maila uste genuena baino urriagoa dela erakutsi digu eta errealitate hori desabantaila handia da ikasketak online egiterakoan. Ordenagailuekin ondo moldatuz gero, gure seme-alabek autonomia handiagoa izango dute ikasketak burutzeko.

Konpetentzia digitala garatzeko ikastaro hau zerotik hasiko dugu, beraz ez da inolako aurre ezagutzarik behar. Gainera, edozein ordenagailu izango da baliagarria on line ikastaro hau egiteko: Windows, Mac edo Chromebook.

Prestatu ditzagun gure seme-alabak etorkizun digitalerako!